Ky gaz pa erë është shkaku i dytë kryesor i kancerit të mushkërive
12:12 | 22 Janar 2018

Çdo vit, 10 milionë njerëz janë diagnostikuar me kancer por sipas një studimi të Universitetit të Teksasit 90-95 për qind të rasteve të kancerit i kanë rrënjët e tyre në mjedisin dhe stilin e jetesës.

Megjithatë, ju mund të jetoni një mënyrë jetese të shëndoshë me një dietë të ekuilibruar dhe me ushtrime të rregullta. Por ju gjithashtu mund të jeni të ekspozuar ndaj agjentëve të rrezikshëm në shtëpinë tuaj. Gazi Radon Një agjent që shkakton kancer është radoni, i cili gjendet në pothuajse çdo shtëpi, por në nivele të ndryshme. Radoni është një gaz radioaktiv që prodhohet natyrshëm nga shkatërrimi i uraniumit në tokë. Pastaj mund të hyjë në shtëpi në mënyra të ndryshme si p.sh. përmes çarjeve në themele, boshllëqeve rreth tubave të shërbimit, kullimit të dyshemeve. Radoni është pa erë dhe i padukshëm, duke e bërë atë të depërtueshëm dhe duke e lejuar të ndërtojë nivele të rrezikshme në hapësirat e mbyllura si në shtëpi. Edhe pse radoni është i pranishëm gjatë gjithë vitit, ai është veçanërisht i përhapur në muajt e vjeshtës dhe të dimrit. Kjo është për shkak se gjatë kësaj kohe të vitit ne i ajrosim shtëpitë tona shumë më pak. Edhe në nivele të ulëta, ky akumulim në zonat e mbyllura ose të dobëta të ajrosjes mund të përbëjë një rrezik serioz për shëndetin. Si është i dëmshëm radoni? Ai krijon grimca radioaktive që lëshojnë shpërthime energjie. Ju thithni këto grimca thjesht duke marrë frymë në shtëpinë tuaj dhe ato mund të vazhdojnë të prishen brenda mushkërive tuaja. Grimcat vazhdojnë lirimin e energjisë, e cila pastaj absorbohet nga indet tuaja të mushkërive, duke shkaktuar dëme në qeliza. Gjatë një periudhe të gjatë ekspozimi, nëse qelizat e mushkërive dëmtohen, kur riprodhohen, kjo mund të rezultojë në zhvillimin e kancerit. Për fat të keq, kjo është një çështje shumë e zakonshme. Radoni është i dyti pas pirjes së duhanit si shkaku kryesor i kancerit të mushkërive. Nëse jeni tashmë duhanpirës, ajo dyfishon gjasat që të keni kancer të mushkërive. Si të testoni për Radonin Fatmirësisht është shumë e lehtë për të testuar nivelet e radonit në shtëpinë tuaj me një paisje. Ato janë në dispozicion për tu blerë në internet, ose nga dyqanet e pajisjeve dhe zakonisht kushtojnë vetëm rreth $ 30 – $ 100. Është mirë ta bëni këtë në muajt e dimrit, pasi jep leximin më të saktë. Paisja “Kit” pastaj i dërgohet një laboratori ku të dhënat grumbullohen, interpretohen dhe kthehen tek ju. Nëse preferoni mund të punësoni një teknik të çertifikuar për të matur nivelin e radonit në vendbanimin tuaj, por kjo është dukshëm më e shtrenjtë!

Alesia Bami