Kryetari i Bashkësisë Fetare Islame Sulejman Rexhepi spiun i Mijallkovit!? (Video)
10:01 | 16 Maj 2015

Portali maqedonas Dokaz.mk (www.dokaz.mk ) ka publikuar një letër që kryetari i Bashkësisë Fetare Islame, Sulejman Rexhepi i ka dërguar shefit të Drejtorisë së Sigurisë dhe Kundërzbulimit, Sasho Mijallkov. Sulejman Rexhepi Në letrat e publikuara nga ky portal shihet se bëhet fjalë për një dokument informativ zyrtar i institucionit fetar drejtuar shefit të DSK-së, Sasho Mijallkov, një nga figurat kontradiktore dhe që lidhet me skenare të ndryshme në Maqedoni, i cili së fundi ka dhënë dorëheqje. Sipas dokumenteve të publikuara nga Dokaz.mk, shihet se dokumenti është top sekret dhe se si Rexhepi kishte informuar kreun e shërbimit sekret për disa imamë dhe persona që i përmend me emra dhe i ndërlidh me partitë politike, por edhe me sekte fetare. Në këtë dy dokumente shihet se si ai përmend involvimin e dy partive BDI dhe DR, të cilët si[ shkruan po e pengojnë në arritjen e qëllimit. Dokaz.mk publikon edhe dy dokumentet në fjalë ku shihet letra e plotë. (Dokaz.mk) doc1 doc2 Kohët e fundit po përsëritet edhe video e mëhershme rreth “lujtes” së tij nga zoti që “Allahu ta bekoj Nikolla Gruevskin”. Ndiqeni: https://youtu.be/pwQGpfQ-6Y0
Edlira Rukaj