Kjo “bishë” është konkurrenca e Volvos për BMW X1
14:48 | 23 Shtator 2017

Pas disa fotografive të rrjedhura të XC40 të ri, Volvo ka zbuluar atë zyrtarisht.

SUV më i vogël i Volvo’s që do të rivalizojë BMW X1 e Jaguar E-Pace, tani mund të blihet me një çmim fillestar prej 31 mijë euro, transmeton koha.net. Dizajni i XC40 ka marr pamje nga ‘vëllezërit’ e tij më të mëdhenj, XC60 e XC90, por në një formë më atletike. Janë 3 motorë me benzinë e 2 me naftë të cilët ofrohen me XC40 e ri. Njëri T3, 2.0 litërsh turbo me katër cilindra me benzinë që prodhon 154 kuaj fuqi. Dy të tjerët T4 e T5 përdorin të njëjtin motor por të përditësuar të cilët prodhojnë 187 kuaj fuqi e tjetri 247 kuaj fuqi ndërsa që të dy këta versione ka të gjitha rrotat aktive. Dy modelet me naftë janë me katër cilindra, D3 prodhon 148 kuaj fuqi e ai D4 187 kuaj fuqi.
Edlira Rukaj