Kameni “mace e zezë” për Barcelonën (Foto)

0

Kameni është portieri i vetëm që e ka mbajtur shtatë herë portën e pa prekur kundër Barcelonës.

Barcelona ka pësuar humbje 2:0 nga Malaga, duke mos arritur që të shfrytëzojë gabimin e Real Madridit që barazoi 1:1 më herët me Atletico Madridin, shkruan Gazeta Express.

Barcelona nuk e pati të vështirë vetëm kundër një mbrojtje tepër të ngjeshur të Malagas, por edhe ndaj portierit Carlos Kameni, i cili gjithmonë ka ditur t’ua vështirësojë jetën lojtarëve të katalanasve, por edhe atyre të Real Madridit në të kaluarën, përcjell Express.

Ai në ndeshjen e së shtunës bëri disa pritje fantastike dhe në fund mbajti portën e pa prekur, duke ndihmuar Malaga të fitojë 2:0.

Kjo ishte ndeshja e dytë këtë edicion që Kameni e mban portën e pa prekur, pas barazimit 0:0 në “Camp Nou” në ndeshjen e parë dhe ishte ndeshja e shtatë në përgjithësi që Kameni nuk pranon gol nga Barcelona, diçka që nuk e ka arritur asnjë portier më parë.

Kujtojmë se pas kësaj humbje, Barcelona mbetet në kuotën e 69 pikëve, tre më pak se Real Madridi. /Express/

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com