Itali: Dy të rinj shqiptarë i japin fund jetës duke u hedhur nga lartësia

0

Fund tragjik për jetën e dy të rinjve shqiptarë të cilët jetonin prej kohësh në Itali dhe i kanë dhënë fund jetës në mënyrë të dhimbshme.

foto

Viktimat janë një djalë 26 vjeç, emigrant shqiptar në rajonin e Lombardisë dhe një tjetër 37 vjeç, raporton korrespondentja e NOA.al duke cituar burime nga policia e Milanos.

Viktimat u regjistruan në orët e para të ditës së diel. Ata janë hedhur nga dritaret e banesave ku jetonin, përkatësisht në Milano dhe në Brescia.

Ngjarjet kanë ndodhur natën duke u gdhirë dita e sotme dhe gjatë paradites, në Breshia dhe Milano.

Në Milano një 26-vjeçar shqiptar i ka dhënë fund jetës duke u hedhur nga ballkoni i banesës ku ai jetonte, në katin e katërt të një pallati që shikoni në foto tek rruga “Inama”.

Dëshmitarët kanë treguar për policinë se i riu ishte në ballkon dhe thoshte fraza të pakuptueshme. Në një moment ai është hedhur duke i dhënë fund jetës.

Ndërsa gjatë natës duke gdhirë e diela, një 37-vjeçar shqiptar besohet se ishte në gjendje të dehur kur ai është hedhur nga dritarja e banesës së tij duke i dhënë fund jetës.

Ngjarja ka ndodhur në zonën e Coccaglio në Breshia. Policia lokale citon fqinjët të kenë treguar se i ndjeri kishte tentuar edhe më parë, gjatë ditës së djeshme që të hidhej, por kishte qenë gruaja që e kishte ndaluar. Gjithsesi ai e kishte gjetur momentin që t’i jepte fund jetës.

Policia tha se është duke kryer hetime për të dy emigrantët që i dhanë fund jetës. Duke folur mbi hetimin për vdekjen e 37 vjeçarit V.P., policia në Brescia tha sot se i ndjeri gjeti vdekjen duke u hedhur nga dritarja, ndërsa ishte duke festuar ditëlindjen e tij.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com