Heliq, baronesha që po tmerron Serbinë

0

Baronesha me prejardhje boshnjake dhe njëra nga shtatë baroneshat e vetme në Dhomën e Lordës, Arminka Heliq ka iniciuar rezolutë për gjenocid në KS të OKB-së

heliq

Përveç bisedimeve të vështira me Kosovën, për Serbinë është edhe një betejë e vështirë që pritet të zhvillohet në Këshillin e Sigurimit të Organizatës së Kombeve të Bashkuara. Atje ky shtet do të përballët me akuzën më të rëndë të luftës, atë për gjenocid që kanë kryer forcat serbe në Srebrenicë të Bosnjës dhe Hercegovinës gjatë vitit 1995.

Rezoluta për gjenocidin e Srebrenicës, që pritet të sillet në Këshillin e Sigurimit nga Britania e Madhe. E nëse ajo kalon, atëherë Serbia dhe serbët do të identifikohen si shteti dhe kombi që kryen gjenocid, duke e bërë vetën epiqendër të imazhit më të keq të mundshëm ndërkombëtar, për shkak të autorësisë së krimeve më të rënda të mundshme të luftës, ndaj boshnjakëve myslimanë.

Mirëpo, ajo që e ka iniciuar këtë rezolutë është baronesha me prejardhje boshnjake dhe njëra nga shtatë baroneshat e vetme në Dhomën e Lordës, Arminka Heliq. Kjo e fundit di shumë për Bosnjën dhe Ballkanin, ndërsa ka qenë këshilltare e William Haguen kur ky ka qenë ministër i Jashtëm dhe kur është marrë me rajonin tonë.
Ajo i ka dhënë shumë leksione edhe Angelina Joelit kur kjo e bëri filmin e saj për luftën e Bosnjës. Për krejt këto, Heliq po llogaritet si gruaja e cila është duke e tmerruar Serbinë

Heliq ka njohuri të shumta për luftën e Bosnjës dhe masakrën e Srebrenicës, duke qenë se ka qenë e përfshirë në disa forma në këtë luftë.

Për shkak të njohurive  të saj, ajo, më 1998, u angazhua nga konservativët si eksperte e Ballkanit. Më vonë arriti të shndërrohet në “njërën nga ekspertët me impresivë të politikës së jashtme në qeveri”, transmeton Klan Kosova.

Për shkak të angazhimit të madh, por diskret, kryeministri David Cameron e nominoi atë për Dhomën e Lordëve. Më 2014 Heliq u emërua baroneshë (pa të drejtë trashëgimie familjare), nga mbretëresha Elizabetë, për shërbimet e shumta ndaj mbretërisë. Kjo i mundësoi asaj që me 24 nëntor 2014 të bëhet pjesë e Dhomës së Lordëve, si e treta femër myslimane që mbërrin këtu nga kampi konservativ.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com