Google: Shikimi i videove në YouTube për rritur për 60 për qind!

0

Gjatë fjalës së tij në prezatimin e rezultateve të kompanisë për tremujorin e dytë të vitit 2015, drejtori financiar i Google, Ruth Porat ka folur edhe për rritjen marramendëse të cilën po e përjeton gjiganti global i kërkimit edhe në shërbimin YouTube.

YouTube

Koha e përgjithshme e shikimit të videove në YouTube është rritur për 60 për qind, krahasuar me periudhën e njëjtë të vitit të kaluar, dhe kjo shkallë e rritjes ka shënuar rekordin më të mirë të kompanisë në dy vitet e fundit.

Më tej është thënë se ajo që është edhe më interesante si statistikë është koha e shikimit të videove në YouTube nga pajisjet mobile, e cila është dyfishuar nga viti i kaluar.

Zyrtarët e Google kanë njoftuar se sesioni mesatar i shikimit të videove në YouTube nga pajisjet mobile është rreth 40 minuta i gjatë.

Ndërsa me iniciativat e reja të ngjashme me atë të YouTube Gaming dhe YouTube Kids, pritjet janë që shërbimi dhe platforma më e madhe në botë për video të rritet edhe më shumë, si dhe të krijojë përdorues të rinj. (Telegrafi)

Shpërndaje në rrjetet sociale.

Comments are closed.

WP Facebook Auto Publish Powered By : XYZScripts.com
Gjuha / Jезик / Language »