Gabon Barca, i jep shans Realit
10:00 | 11 Prill 2015

Sevilla dhe Barcelona kanë luajtur baras (2-2) në ndeshjen e javës së 31-të të La Ligas që u zhvillua në Estadio Ramon Sanchez Pizjuan.

gabon-barca-i-jep-shans-realit-video_hd Një paraqitje për t’u lëvduar e Blaugranëve në gjysmën e parë, gjatë të cilës shënuan dy, ndërsa pranuan një gol. Lionel Messi pranoi një top nga Neymar dhe goditja e tij tipike u ndal në rrjet (14’). Goli dytë erdhi nga gjuajtja e lirë. Messi e lejoi Neymarin që ta ekzekutonte atë dhe braziliani e dërgoi në portë (31’). Ever Banega i ktheu vendasit në lojë me një goditje nga largësia, të cilin nuk arriti ta ndalte portieri Bravo (38’). Në gjysmën e dytë, Bacca pati dy raste të mira për ta barazuar rezultatin, por në po aq raste dështoi edhe Suarez në anën tjetër. Rezultati u barazua në minutën e 84 nga Kevin Gameiro. Ishte pikërisht lojtari që zuri vendin e Baccas, ai që pas më pak se dhjetë minuta lojë u regjistrua në listën e golashënuesve. Ky barazim do të thotë se Barcelona ka vetëm dy pikë më shumë se Real Madridi në garën për titullin e kampionit. /Telegrafi/
Françeska Jaçe