Francë: Kapen 22 shqiptarë në një kamion frigoriferik

0

Policia franceze zbuloi në një kamion frigoriferik 22 shqiptarë klandestinë, të gjithë nga Shqipëria e Kosova.

kamjoni

Drejtuesi i kamionit një shtetas rumun së bashku me gruan e tij u vunë në pranga dhe akuzohen se janë pjesë e një rrjeti trafikantësh të qenieve njerëzore.

Në fakt klandestinëve u hapi derën e kamionit vetë drejtuesi i tij, në momentin që mbërriti në terminalin e Ouistreham në Francë dhe vetëm pak minuta e ndanin nga nisja drejt Portshmouth në Angli.

Drejtuesi i kamionit që ligjërisht transportonte portokall dhe mandarina, por kishte fshehur 22 shqiptarë, është detyruar të hapë dyert nga frika se ata mund të vdisnin brenda kamionit frigorifer, ku kishin tre orë pa ajër dhe në të ftohtë, ndërsa mes tyre ishte dhe një fëmijë.

“Ishte ftohtë dhe ne ishim të frikësuar për vdekje”, tha një prej klandestinëve për policinë franceze.

Prokurorët që nisën hetimet për rrjetin e trafikimit të qenieve njerëzore thanë se ishte e tmerrshme të mësoje se 22 persona mbijetuan tre orë pa ajër, ndërsa arrestimi i shtetasit rumun dhe gruas se tij është vetëm një hallkë e këtij trafiku. /Botapress/

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com