Flamuri gjigant i UҪK-së do të vendoset në sfidën Shqipëri-Serbi (Foto)

0

Tifozët e kombëtares së Shqipërisë janë duke menduar për koreografinë në “Loro Boriçi” për ndeshjen kundër Serbisë.

uck

Tashmë ju kujtohet përballja famëkeqe e 14 tetorit në Beograd, ku u ofenduan në baza racore dhe u ushtrua dhunë ndaj futbollistëve shqiptarë – dhe për një kundërpërgjigje ndaj asaj që ndodhi atje, tifozët kuqezinj kanë plane për takimin që do të zhvillohet në Shkodër.

Sipas një burimi të Portalit Albeu, në stadium do të shpaloset një flamur gjigant mbi të cilën do të jetë shkruar “Ushtria Çlirimtare e Kosovës” (gjithmonë nëse flamuri do të konstruktohet në kohë).

Mirëpo, pas ngjarjeve në Beograd dhe dënimit pa faj të Shqipërisë nga UEFA, vështirë se autoritetet mund të lejojnë një flamur të tillë në stadium, duke iu trembur edhe sanksioneve të reja nga UEFA.

Përballja Shqipëri-Serbi, e vlefshme për fazën kualifikuese për Euro 2016 pritet të luhet më 8 tetor 2015.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com