Erdogan, thirrje SHBA-ve: “Ndërhyni ose do t’i spastrojmë”
20:58 | 15 Dhjetor 2018
Erdogani e dha këtë deklaratë të premten, gjatë një fjalimi. Ai është shprehur publikisht se SHBA-të, të cilat mbështesin kurdët në veri-lindje të Sirisë, nuk po e mbajnë fjalën për t’i larguar luftëtarët kurdë.

Ankaraja thotë se paraushtarakët kurdë në Siri janë një degë e guerrilasve me bazë në Turqi, të cilët i kanë shpallur si terroristë.

Manbixh është në perëndim të lumit Eufrat, dhe është rruga kryesore që lidhet me qytetin e Alepos. Turqia quan çdo pjesë të Sirisë në kufirin e tyre si vend shumë të ndjeshëm, nga pikëpamja e sigurisë. Por kanë pranuar me ngurrim që me situatën në lindje të lumit të merren SJBA-të. Kjo zonë është vendi ku janë përqendruar kurdët, historikisht.

Kejvina Kthella