E çuditshme: Dyqani palestinez ndalon hyrjen e qenve dhe të amerikanëve
14:52 | 18 Dhjetor 2017

Gjatë periudhës së nazizmit ishin tregtarët gjermanë ata që vendosnin tabela kundër hebrenjve, ku shkruhej “Ndalohet hyrja e çifutëve dhe e qenve”. Historia përsëritet në një dyqan në Cisjordani edhe në ditët tona, ku është shkruar një tabelë e ngjashme nga një palestinez: “Ndalohet hyrja e qenve dhe e amerikanëve”. Në një intervistë për televizionin izraelit “Canale 10”, pronari palestinez e argumentoi veprimin e tij, si dalke kundër vendimit të Presidentit amerikan Donald Trump, për të njohur Jeruzalemin kryeqytet të Izraelit, shkruan noa.al. “Al-Quds (Jeruzalemio), është kryeqyteti i Palestinës”, tha tregtari, duke shtuar se nuk veproi për motive raciste. “Populli amerikan që zgjodhi Trump, për mua është i të njëjtit brumë, kështu që edhe ata do e vuajnë zgjedhjen e tij”, deklaroi tregtari.
Aurela Hoxha