Dy shtetas të Maqedonisë janë shkëmbyer mes ISIS-it dhe Turqisë

0

Dy shtetas të Maqedonisë janë shkëmbyer mes ISIS-it dhe Turqisë

Në mesin e 180 xhihadistëve që i janë dorëzuar ISIS-it në këmbim për 49 shtetasit turq, të kidnapuar në qytetin Mosul, kanë qenë edhe dy shtetas të Maqedonisë, ka raportuar revista “Times”.

Gjithsej 49 shtetas turq, të punësuar në Ambasadën turke u mbajtën peng 101 ditë, para se të lirohen më 20 shtator.

“Times” raporton se në listën e personave të shkëmbyer, përveç dy shtetasve të Maqedonisë, gjenden edhe tre francezë, dy suedezë, një zviceran dhe një shtetas i Belgjikës.

Kjo gazetë shkruan se në shkëmbim janë përfshirë luftëtarë të ISIS-it, që janë mbajtur në spitale dhe burgje turke, si dhe ata që kanë qenë të robëruar nga kryengritës sirianë të krahut jo radikal.

Edhe pse nuk janë konfirmuar informatat për shtetasit e shkëmbyer maqedonas, këto informata rikujtojnë sulmin ndaj policisë turke në qytetin Nigde në mars të këtij viti, ku ishin të përfshirë edhe shtetasit e Maqedonisë Muhamed Zekir nga Ohri dhe Benjamin Hu nga Gërçeci, shkruan “Dnevnik”.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com