Dy familje kosovare u paguajnë 10 mijë euro rumunëve për trafikim

0

Janë detyruar të paguajnë 10 mijë euro për të “siguruar” një jetë më të mirë në Gjermani por të premten mbrëma janë kapur në autostradën A6 afër qytetit Waidhaus.

dy-familje-kosovare-u-paguajn-euml-10-mij-euml-euro-rumun-euml-ve-p-euml-r-trafikim_hdDy familje kosovare, gjithsej 16 veta janë gjetur në makinat e dy rumunëve të dyshuar si kontrabandistë të tyre.

Ata ishin nisur nga Kosova para një muaji për të gjetur një “atdhe të ri” në perëndim. Për të kaluar ilegalisht kufiri nga Serbia në Hungari kishin paguar kontrabandistët. Ndërsa me të arritur në Hungari, sërish kontaktuan mafinë e kontrabandës për të ardhur deri në Hessen, shkruan albinfo.

Nga 600 euro për person u është dashur t`ua paguajnë vetëm këtë pjesë të rrugë dy shtetasve rumunë (25 dhe 52 vjeç) me qëndrim në regjionin Frankfurt/Main, të cilët i kanë transportuar me kombibusët e tyre të marrë me qira në Hungari.

Duke i kontrolluar dy makinat, Policia Federale konstatoi se asnjëri nga 16 kosovarët, 8 të rritur dhe 8 fëmijë, nuk kishte dokumente për qëndrim të rregullt në Gjermani.

Të gjithë ata u dërguan në qendrën për pranim të azilkërkuesve në Regensburg, ndërsa dy rumunët i janë dorëzuar gjyqtarit hetues i cili ka ushtruar urdhërarrest të tre për hetime, njofton Policia Federale në Waidhaus.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com