Çfarë komedie: EULEX nis aksion për kapjen e një të dyshuari, ndërkohë që ai ndodhej tashmë në burg

0

EULEX sot në mëngjes ka zhvilluar një aksion në shtëpinë e Shaban Sylës me qëllim të arrestimit të tij, si i dënuar në rastin “Bllaca”, megjithatë, EULEX nuk e arrestoi për shkak se ai kishte një muaj e gjysmën që vuante dënimin në Burgun e Dubravës.

eulex

Kështu thotë djali i tij, Iliazi, sipas të cilit, sot rreth orës 5:00 të mëngjesit, pjesëtarë të policisë së EULEX-it dhe ata të Njësisë Speciale të Kosovës kanë trokitur në dyert e familjes Syla në fshatin Kishnarekë të Komunës së Drenasit për të kërkuar kryefamiljarin, i cili tashmë është duke e vuajtur dënimin.

Iliaz Syla, djali i të burgosurit, thotë se janë ndjerë të shqetësuar nga kjo vizitë që në orët e para të mëngjesit. Sipas tij, ky mos koordinim i policisë mes vete, duke mos ditur kështu që i akuzuari veç është duke e vuajt dënimin në Burgun e Dubravës, tregon për nivelin e drejtësisë në vend.

“Ata sot në mëngjes erdhën dhe e kërkuan në shtëpi. Ka pas prestarë të Njësisë Speciale dhe ata të EULEX-it, pesë kombi të njësisë speciale, 4 xhip të njësisë speciale, dhe katër të EULEX-it. Ata nuk ishin në dijeni që baba është duke e vuajt dënimin. Ka fëmijë brenda, iu thash qysh kështu, në ora 5:00 të mëngjesit. Po shihet çfarë drejtësie ka në Kosovë, njeri duke e vuajt dënimin e ata vijnë e lypin në shtëpi”, ka thënë Iliazi përmes telefonit, raporton KosovaPress.

Ai tregoi që i ati i tij, Shaban Syla për katër vite e gjysmë ka qenë në arrest shtëpiak, ndërsa që një muaj e gjysmë është duke e vuajtur dënimin në Burgun e Dubravës.

“Që një muaj e gjysmë, me urdhër të gjykatësit Hamdi Ibrahimi e vuan dënimin në Burgun e Dubravës”, ka thënë Iliazi.

Ilazi sqaron se baba i tij është përcjellë nga Policia e Kosovës për në burg, ndërkohë thotë se këto veprime tregojnë profesionalizmin e EULEX-it.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com