Cana tregon pse nuk publikon kurrë fotografi të djalit të tij
14:11 | 10 Shkurt 2017

Ish-kapiteni i Shqipërisë, Lorik Cana vazhdon t’i përgjigjet pyetjeve të tifozëve në Instagram.
Një pyetje nga një tifoz ishte se pse nuk e prezanton djalin e tij Boikenin në media. Ai ka thënë se ka frikë se do i marrin msysh djalit dhe kjo është arsyeja pse nuk publikon fotot të tij. “Djalin (Boikeni) nuk e tregoj në media se është ende i vogël dhe kam frikë se do e merrni mësysh. Kur të rritet dhe pak ju premtoj se do ua tregoj si duket”. “Unë jam pak me të vjetrën, besoj pak nga ato që kanë thënë gjyshërit tonë, nuk dua t’i bini mësysh”, tha Cana. Tutje gjakovari deklaroi se dëshiron që djali i tij të merret me sportin e tenisit. “Kam dëshirë që djali të bëhet tenist, do doja të bëhej tenisti i parë shqiptar që arrin diçka. Jam tifoz i Federerit, është më i miri në histori”, përfundoi Cana. /Telegrafi/
Aurela Hoxha