Bujanoci po zbrazet nga shqiptarët, ata pak banorë që mbesin në fshatra sulmohen nga serbët (Video)
15:01 | 27 Qershor 2016

Fshati Suharrën është mbi 30 kilometra larg qytetit të Bujanocit. Rruga që çon për në këtë fshat të Malësisë, është shumë e vështirë, raporton KTV Momentalisht, në këtë pjesë të Malësisë jetojnë vetëm dy familje shqiptare. Madje, edhe këto dy familje janë të rrezikuara nga serbët e Vranjës dhe vazhdimisht kanë presion që t’i lëshojnë shtëpitë e tyre. Dy muaj më parë, familja Bajrami është sulmuar nga 11 serbë të dehur. Selami Bajrami ka treguar në detaje së çfarë ka ndodhur pasditen e 22 prillit në oborrin e shtëpisë së tij. Ai ka thënë se kërcënimet janë të vazhdueshme që nga përfundimi i luftës. Për kërcënimet ka treguar edhe fqinji i vetëm i Selami Bajramit, Reshat Ramadani. Ai ka deklaruar se nuk besojnë në policinë serbe. Pavarësisht kërcënimeve të vazhdueshme, Selami Bajrami është i vendosur që të mos e lëshojë shtëpinë e tij./BujanociNet/ [video width="512" height="288" mp4="http://bujanoci.net/wp-content/uploads/2016/06/Zbrazja-e-Bujanocit-nga-shqiptarët-fshati-Suharë.mp4"][/video]  
Françeska Jaçe