Besuam dhe fituam, Shqipëria përmbysë Armeninë
09:59 | 29 Mars 2015

Kombëtarja e Shqipërisë ka regjistruar një fitore të madhe në një takim tejet emocionuese në “Elbasan Arena”, duke mposhtur Armeninë me rezultat 2:1. Mavraj Shqipëria dhuroi emocione që rrallë i kemi përjetuar, duke bërë përmbysjen e rezultatit. Armenët befasisht shënuan të parët, duke gjetur golin që në minutën e 4’, nëpërmjet Yura Movsisyan. Vazhdimi i pjesës së parë, i takoi tërësisht Shqipërisë, por pa mundur që arrijnë golin e barazimit. Edhe pjesën e dytë kuqezinjtë e nisën furishëm, duke qëlluar shtyllën me Cikalleshin. Në minutën e 70’, Armenia mbeti me një lojtar më pak, kur Hovhannes Hambardzum u ndëshkua me kartonin e dytë të verdhë. Kjo bëri që të përzgjedhurit e De Biasit, të kërkojnë edhe më shumë barazimin, dhe pas shumë tentativave, e arritën në minutën e 77’, me Mergim Mavrajn, që barazoi me kokë. Ky gol rriti edhe më shumë dëshirën për fitore të kuqezinjve, që pas pesë minutave, shënuan edhe golin e dytë, me të jashtëzakonshmin Shkëlzen Gashin, që shënoi golin e parë me kombëtaren e Shqipërisë. Pas kësaj fitore, Shqipëria numëron 7 pikë dhe renditet në vendin e dytë në grupin I, me pikë të barabarta me Danimarkën./Indeksonline/ shqiperia
Françeska Jaçe