Barnat serbe pushtojnë Kosovën

0
Barnat serbe pushtojnë Kosovën

Mjafton të largohesh dhjetë kilometra larg kryeqytetit të Kosovës, për të kuptuar që barnatoret kosovare ende furnizohen me barna nga Serbia. Ani pse importi i barnave nga Serbia nuk është i lejuar me ligj, kjo nuk i ka penguar barnatoret e Graçanicës, qytet ky i banuar me shumicë serbe që të furnizohen me këto lloj barnash.

Aty lehtësisht, madje pa rekomandimin e mjekut mund të merren barnat e kërkuara nga pacientët. Barnat ilegale në këto zona futen si kontrabandë, ndërsa farmacitë i shesin ato pa u penguar nga institucionet kosovare. Barna e tipit “Nafazol, 0.1%”, e cila përdoret për largimin e ftohjes së hundës e që ka banderolë të Serbisë gjendet në tri barnatore të Graçanicës.

Zyrtarë të farmacive pretendojnë se furnizohen vazhdimisht me këtë lloj të barnave. Ekipi i gazetës Tribuna ka hasur në barna me banderola të Serbisë në të tri barnatoret e këtij qyteti, ku në njërën prej tyre madje pritej furnizimi me barna shtesë nga Serbia gjatë orëve të pasdites të së mërkurës, shkruan Tribuna.

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com