Komuna e Bujanocit do të fillojë investimin për ndërtimin e murit rrethues të shkollës fillore në fshatin Samolicë. Në kontratën e nënshkruar mes kryetarit të komunës, Shaip Kamberi, dhe pronarit të NP “Ballkan Konçul”, sot, është zyrtarizuar fillimi i këtyre punëve, vlera e të cilave, në fazë të pare, kap shumën prej 500 mijë dinarëve.

Kryesi i punëve, është obliguar që të kryejë punët në afat prej pesë ditëve, ndërsa fillimi i tyre do të varet nga kushtet atmosferike. Paraprakisht Komisioni komunal për prokurime publike, kishte zgjedhur NP “Ballkan Konçul”, si ofertuesin më të lirë për kryerjen e këtyre punëve. Komuna ka marrë obligim që brenda këtij viti ta kryejë edhe fazën e dytë të rrethojës së kësaj shkolle.
Shërbimi për informim