Mijëra vizitorë vërshuan Parkun botanik në Koishkava të Tokios këto ditë, për të parë lulen gjigante që kishte çelur për herë të parë.

Lulja ‘Amorphophallus titanum’ është e gjatë 1,5 metra, dhe cel cdo 20 vjet. Karakteristike është gjithashtu se lulja ka erë mishi të prishur, që i tërheq insektet për të mbledhur polenin.

Por lulja është e rrezikuar në vendin e saj të origjinës në Indonezi, për shkak të shkatërrimit të pyjeve në ishullin e Sumatrës.

E kam parë në televizor dhe kam dëgjuar se lulja e saj qëndron vetëm 2 ditë, dhe se është lulja më e madhe në botë, prandaj isha shumë e interesuar që ta shihja”, thotë Kyoko Hagiwara, vizitore.

Sa më shumë që afrohesha, era e lules ishte e padurueshme, saqë nuk mundesha të merrja frymë”, shprehet Shintarou Hagiwara, vizitor 11 vjeçar.

Pas 2 ditëve të lulëzimit, lulja mbyll petalet dhe pistili thyhet duke nxjerrë jashtë të gjitha insektet që i kanë vërshuar. Herën e kaluar në Tokio, lulja Amorphophollus titanum kishte çelur në vitin 1991.