500 shqiptarë të Bujanocit dhe Preshevës në sfidën e Beogradit

0

Nga Lugina e Preshevës, një krahinë brenda territorit të Serbisë, e populluar nga shqiptarët, vjen lajmi se janë blerë rreth 500 bileta per ndeshjen Serbi-Shqiperi.

10351

Kombëtares së Shqipërisë nuk do t’i mungojë mbështetja e tifozëve kuqezi në sfidën me Serbinë që do të zhvillohet më 14 tetor në Beograd, edhe nëse Federata Serbe e Futbollit merr vendimin përfundimtar për të mos i pranuar mbëshetësit e përfaqësueses sonë në këtë sfidë të nxehtë, njofton supersport.al. Nga Lugina e Preshevës, një krahinë brenda territorit të Serbisë,  e populluar nga shqiptarët, vjen lajmi se janë blerë rreth 500 bileta të këtij takimi. Tregtarët serbë, duke përfituar nga fakti që nga kjo krahinë kishte interesim të madh për bileta, I kanë shitur ato me një cmim 30 deri 50% më shtrenjtë. Grupet e tifozerive shqiptare nga Lugina kanë siguruar biletat nga tribunat të cilat nuk janë për tifozët miq, ndërsa problem në vete mbetet udhëtimi drejt Beogradit në ditën e ndeshjes. Në radhët e tifozëve kuqezi nga Lugina e Preshevës, por edhe nga Bujanovci, eksiston frika se mund t’u ndalohet hyrja në Beograd, që është rreth 370 km larg vendlindjes së tyre. Në fakt nuk ka asnjë arsye, përvec të qenit shqiptar, që autoritet serbe të ndalojnë hyrjen në stadium të tifozëve shqiptarë të lindur brenda territorit të Serbisë./BujanociNet/

Shpërndaje në rrjetet sociale.

Comments are closed.

Facebook Auto Publish Powered By : XYZScripts.com