3 vendet që Mike Pompeo i shikon si fokusin qendror të politikës së jashtme amerikane
15:18 | 05 Maj 2018

Shefi i ri i diplomacisë amerikane mbajti dje një fjalim para institucionit që drejton, në Ditën e Punëve të Jashtme të Departamentit të Shtetit, ku vlerësoi atë që e cilësoi si “diplomaci muskuloze” që ndjek Presidenti Trump.

Sekretari Pompeo tha se politika e jashtme amerikane duhet të jetë më “praktike, por duke ruajtur parimet”. Një diplomaci e fortë, tha ai, e ktheu Korenë e Veriut në tryezën e bisedimeve, gjë që do të eliminojë kërcënimin bërthamor nga ky vend.

Zoti Pompeo foli për nevojën për diplomaci më të fortë në Lindjen e Mesme për të mos lejuar që “Irani të destabilizojë më tej Sirinë dhe Jemenin”.

Mike Pompeo, në detyrën e re si shef i diplomacisë amerikane ndeshet me një numër sfidash ndër të cilat përgatitjet për takimin mes Presidentit Trump dhe Kim Jong Unit, si dhe marrëdhëniet me Rusinë që aktualisht ndodhen në një pikë të dobët.VOA

Powered by WPeMatico

Edlira Rukaj